CRURA

CRURA
CRURA
varicandi ac disparandi modi duo, quorum alterum Daedalus in simulacris primus expressit, vide infra in voce Varus. Illa, uti pedes, tibias, ac femora, fasciis involvebant Antiqui, Hebraei, Graeci, Romani; interque eos aegroti primum et imbecilles, dein homines delicati et molles. Er quidem de cruralibus faciis Quintilianus, l. 11. c. ult. Palliolum, inquit, sicut fasciis, quibus crura vestiuntur, et socalia et aurium ligamenta, sola excusare potest valetudo. Unde Pompeio inter alia obiectum, quod candidâ fasciâ crus haberet alligatum, apud Val. Maximum. Quod tamen ille, quasi tegendo ulceri id faceret, excusare solitus est, teste Amm. Marcellinô, l. 17. Clodius vero etiam purpureas gessit, quod nequitiae solum tributum, Cicer. de Harusp. Resp. Unde, inter alia nequitiae instrumenta, Herculi apud Omphalem agenti, etiam crurales fasciae adscribuntur, in Hippolyto Trag. Actu 1. v. 321.
Crura distinctô religavit aurô,
Luteô plantas cohibente soccô etc.
Postea promiscue usurpari coeperunt, et quidem de puellis nota res ex Menandro, apud Pollucem et Horatio: quam ob causam feminas Poetis εἰλέποδας. διὰ τὴν ἔνδετιν τῶ μηρῶν dictas, inquit Pausanias. De viris, ex aliis passim. Quod factum inprimis, postquam in frequenti usu calcei coepere esse. Interim, Traianô imperante, fascias huiusmodi mediocris adhuc fortunae homines ignorasse, Dio Chrysonstomus docet Serm. de Tyrannide. Tandem vero inter ordinarias vestes et hae numeratae sunt, uti patet ex Ulpinao, l. 25. ff. de aur. argent. mundo legat. Περιςκελίδας autem illas, sicut pedules fascias περιπεζίδας, Graeci dixêre. Unde Periscelidis Ordo in Auglia, adeo celebris, de quo suô locô. Vide Isaac. Casaubon. ad Sueton. Aug. c. 82. et infra voce Fascia: item Hosa, Pedale, Tibialia, uti de Crurum gracilitate, inter corporis vitia olim habita, infra ubi de Gracilitate: et de Gothorum gentilitio more nudis cruribus et suris, nudôque poplite incedendi, aliquid voce Pero: de tibiis item Veterum, ex crurum ossibus, hinnuleorum atque capreolorum, infra, voce Tibia: de tribus vero hominis cruribus, in nummis quibusdam Siculis, ad designanda tria eius insulae
promontoria, infra itidem voce Trisciles: nec non de unguento Mendesio, quô crura pedesque Veteres inungebant, voce Unguentum; et de feminis, quae, vellendis cruribus destinatae, παρατίλτριαι hinc Graecis dicebantur, infra voce Ustricala. At Crurifragiam, servorum olim ancillarumque poena. Sueton. ibid. c. 67. Thallo a manu ---- crura effregit. Vide et in Tiberio, c. 44. Publicum idem malesicorum hominum supplicium fuit: ut delatorum, sub Commodo. Vide Eusebium, l. 5. agyrtarum, manticulariorum, aliorum, apud Agathiam, l. 4. In Christianos postmodum saepe exercitum, ut in Martyrologiis videre est. Casaubon. iterum ad Suetonii locum.

Hofmann J. Lexicon universale. 1698.

Игры ⚽ Поможем написать курсовую

Look at other dictionaries:

  • Crura — Cru ra (kr? r?), n. pl. (Anat.) See {Crus}. [1913 Webster] …   The Collaborative International Dictionary of English

  • Crura — (lat.), Mehrzahl von Crus, Schenkel, sowohl Unter als Oberschenkel; daher Crural, was sich auf den Schenkel bezieht. Crurisossa (Anat.), Schenkelknochen …   Pierer's Universal-Lexikon

  • Crura — Crus Crus (kr?s), n.; pl. {Crura} (kr? r?). [L., the leg.] (Anat.) (a) That part of the hind limb between the femur, or thigh, and the ankle, or tarsus; the shank. (b) Often applied, especially in the plural, to parts which are supposed to… …   The Collaborative International Dictionary of English

  • crura — Plural of crus. * * * crura pl of CRUS * * * cru·ra (krooґrə) [L.] plural of crus …   Medical dictionary

  • Crura of superficial inguinal ring — The subcutaneous inguinal ring. (Superior crus labeled at bottom right.) Latin crus mediale anuli inguinalis superficialis, crus laterale anuli inguinalis superficialis Gray s …   Wikipedia

  • crura fornicis — crura for·ni·cis fȯr nə .sis, ə .kis n pl CRUS (2e) …   Medical dictionary

  • Crura cerebri — Lage des Mittelhirns (3), frontaler Schnitt Das Mittelhirn (lat. Mesencephalon) ist ein Teil des Hirnstamms und liegt zwischen Brücke (Pons) und Zwischenhirn (Diencephalon). Das Mittelhirn steuert die meisten Augenmuskeln und ist ein wichtiger… …   Deutsch Wikipedia

  • crura ossea — osseous crura: those parts of the bony semicircular canals of the ear that lodge the correspondingly named parts of the membranous crura of the semicircular ducts; see crura ossea ampullaria, c. osseum commune, and c. osseum simplex …   Medical dictionary

  • crura membranacea — membranous crura: the two ends of each semicircular duct of the ear, both opening into the utricle. See crura membranacea ampullaria ductus semicircularis, c. membranaceum commune ductus semicircularis, and c. membranaceum simplex ductus… …   Medical dictionary

  • crura ossea ampullaria — [TA] ampullary bony crura: the parts of the bony semicircular canals of the ear that lodge the crura membranacea ampullaria ductus semicircularis …   Medical dictionary

Share the article and excerpts

Direct link
… Do a right-click on the link above
and select “Copy Link”